ప్రధానాంశాలు

మహాకూటమితో తెరాసకు నష్టం లేదు: దానం

హైదరాబాద్‌: మహాకుటమి వల్ల తెరాసకు కలిగే నష్టం ఏమీ లేదని ఆ పార్టీ నేత, మాజీ మంత్రి దానం నాగేందర్‌ అన్నారు. రాష్ట్రంలో ఎవరెన్ని కుట్రలు చేసినా చివరకు వచ్చేది కేసీఆర్ ప్రభుత్వమేనని పేర్కొన్నారు. ఏపీ ముఖ్యమంత్రి చంద్రబాబునాయుడు ఆ రాష్ట్ర ప్రయోజనాల కోసం పోరాటం చేస్తే తమకెలాంటి అభ్యంతరం లేదని... కానీ ఇక్కడ కూటమి పేరుతో కుట్రలు చేస్తే మాత్రం సహించేది లేదన్నారు. హైదరాబాద్‌కు చెందిన పలువురు నేతలు ఈరోజు దానం సమక్షంలో తెరాసలో చేరారు.

ఈ సందర్భంగా దానం మాట్లాడుతూ.. ఖైరతాబాద్‌ టిక్కెట్‌ ఎవరికి ఇచ్చినా కలిసి పనిచేస్తానని దానం స్పష్టం చేశారు. కాంగ్రెస్‌ ప్రకటించిన జాబితాలో బీసీలకు అన్యాయం జరిగిందన్నారు. రాష్ట్రంలో ముఖ్యమంత్రి కేసీఆర్‌ చేసిన అభివృద్ధి, సంక్షేమ పథకాలే పార్టీకి తిరిగి అధికారం తీసుకొస్తాయని ఆశాభావం వ్యక్తం చేశారు. రాష్ట్రంలో ఉన్న అన్ని వర్గాల వారు తెరాస ప్రభుత్వం ద్వారా లబ్ధి పొందారన్నారు. రాష్ట్రంలో 75శాతం మంది ప్రజలు మళ్లీ కేసీఆరే ముఖ్యమంత్రి కావాలని కోరుకుంటున్నట్లు సర్వే తేలిందని దానం చెప్పారు.


మరిన్ని

జిల్లా వార్తలు

ఎన్నికల షెడ్యూల్

ఛత్తీస్‌గఢ్ నవంబరు 12 , 20
మధ్యప్రదేశ్‌ నవంబరు 28
మిజోరం నవంబరు 28
తెలంగాణ డిసెంబరు 7
రాజస్థాన్ డిసెంబరు 7
ఓట్ల లెక్కింపు డిసెంబరు 11

ఎవరేమన్నారంటే...

  • ‘మహాకూటమిలోని పార్టీలు తెజస అధ్యక్షుడు కోదండరాంను కరివేపాకులా వాడుకుని పక్కన పెట్టారు’

    - కేటీఆర్‌

  • ‘కూటమిలో టికెట్‌ తెచ్చుకోలేని కోదండరాం తెలంగాణ ప్రజలకు ఏం మేలు చేయగలరు. తెదేపా సహా వలసవాద పార్టీలను ఓడించాలని గతంలో పిలుపునిచ్చిన ఆయన నేడు చంద్రబాబుతో వేదిక ఎలా పంచుకున్నారు’

    - హరీశ్‌రావు

  • ‘రాహుల్‌ గాంధీ సీట్లు ఇవ్వొచ్చు.. చంద్రబాబు నోట్లు ఇవ్వొచ్చు.. ఓట్లు మాత్రం తెలంగాణ ప్రజలవని గుర్తుంచుకోవాలి. పొరపాటున కూటమికి ఓటేస్తే తెలంగాణ వనరులు పరాయి వాళ్ల పరమవుతాయి’

    - కేటీఆర్‌

  • ‘ మీ కారును ఎక్కడైనా నడిపించుకోండి.. కానీ రాజేంద్రనగర్‌కు మాత్రం రానివ్వకండి.. ఔటర్‌ రింగురోడ్డు మీదుగా అటునుంచి అటే వెళ్లిపోండి’

    - ఎంఐఎం పార్టీ అధ్యక్షుడు అసదుద్దీన్ ఒవైసీ

  • ‘ సర్వేలను చూసి అతివిశ్వాసానికి పోయే ప్రసక్తే లేదు. గతంలో సర్వేల ఫలితాలు తారుమారు అయ్యాయి. సర్వేల ఆధారంగా మేము సన్నద్ధం కావడం లేదు’

    - జ్యోతిరాదిత్య సింధియా

  • ‘మోసగించడం కాంగ్రెస్‌ రక్తంలోనే ఉంది. అబద్ధాలు చెప్పడం, ద్వంద్వవైఖరి ఆ పార్టీ నైజాం’

    - ప్రధాని మోదీ

  • © 1999- 2018 Ushodaya Enterprises Pvt.Ltd,All rights reserved.
    Designed & Developed by Eenadu WebHouse
    For Digital Marketing enquiries Contact : 9000180611, 040 - 23318181 eMail :marketing@eenadu.net
    Best Viewed In Latest Browsers

    Terms & Conditions   |    Privacy Policy

    Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.